چیف آف ڈیفنس فورسز ہیڈ کوارٹر فعال

محمد عمران:اسلام آباد – 5 دسمبر 2025 پاکستان کی مسلح افواج نے چیف آف ڈیفنس فورسز ہیڈ کوارٹر (CDF HQ) کو باضابطہ فعال کر دیا ہے۔ ڈی جی آئی ایس پی آر لیفٹیننٹ جنرل احمد شریف چوہدری نے آج کی پریس کانفرنس میں اعلان کیا کہ آرمی، نیوی اور ایئر فورس اب ایک مشترکہ کمانڈ اینڈ کنٹرول سسٹم کے تحت کام کریں گی۔ یہ اقدام 2025 کی نیشنل سیکیورٹی پالیسی کا حصہ ہے اور جدید جنگی تقاضوں، TTP دہشت گردی، سرحدی تناؤ اور ہائبرڈ وارفیئر کے مقابلے کے لیے ضروری قرار دیا گیا ہے۔
ڈی جی آئی ایس پی آر نے کہا:
“اب تینوں افواج ایک ہی چھت تلے بیٹھیں گی، ایک ہی نقشے پر دیکھیں گی اور ایک ہی وقت میں فیصلہ کریں گی۔ یہ مغربی ممالک کی طرز پر جوائنٹ نیس ہے جو قومی دفاع کو ناقابلِ تسخیر بنائے گی۔”
تاہم پریس کانفرنس کا سب سے زیادہ زیر بحث حصہ وہ تھا جب جنرل احمد شریف نے بغیر نام لیے ایک “شخص” پر سخت تنقید کی:
“ایک فرد کی ذاتی خواہشات، ایگو اور جھوٹا بیانیہ قومی سلامتی کو خطرے میں ڈال رہا ہے۔ اداروں کو متنازع بنانا اور دشمن کے ایجنڈے کی تکمیل کرنا غداری کے مترادف ہے۔